لاس اینجلس کے جنگلات میں لگی آگ کے آگے امریکہ بے بس
ماسکو (انٹرنیشنل ڈیسک)
امریکہ کی ریاست لاس اینجلس کے جنگلات میں لگی آگ میں اب تک 6 افراد کے ہلاک ہونے کی اطلاعات ہیں. مقامی وقت کے مطابق 9 جنوری کی رپورٹس کے مطابق ، لاس اینجلس کے جنگلات میں لگی آگ سےاب تک کم از کم 6 افراد ہلاک ہو چکے ہیں۔ لاس اینجلس فائر ڈیپارٹمنٹ کے سربراہ انتھونی مارون نے کہا کہ مغربی امریکہ کے وقت کے مطابق 9 تاریخ کی سہ پہر تین بجے تک ایٹن کی آگ 55.4 مربع کلومیٹر تک پھیل چکی ہے اور مزید آگے بڑھ رہی ہے۔اب تک کسی بھی علاقے میں آگ پر قابو نہیں پایا جا سکا۔
ابھی تک ایٹن کی آگ نے 4 سے 5 ہزار عمارتوں کو نقصان پہچایا یا تباہ کیا ہے ۔ اس وقت 1500 سے زائد افراد آگ بجھانے کے عمل میں شامل ہیں۔ 9 تاریخ کو اینجلس نیشنل فارسٹ میں بھی ایک نئی آگ بھڑک اٹھی جو موجودہ اٹین کی آگ کے قریبی علاقے میں ہے۔ اس کے علاوہ لاس اینجلس اور وینٹورا کاؤنٹیز کی سرحد پر واقع ووڈ لینڈ ہلز کے علاقے میں بھی ایک نئی آگ بھڑک اٹھی جسے کینس فائر کہا جاتا ہے، اور یہ 0.2 مربع کلومیٹر کے علاقے کو لپیٹ میں لیے ہوئے ہے۔ لاس اینجلس فائر ڈیپارٹمنٹ نے اس علاقے کےتمام رہائشیوں کو ہنگامی انخلاء کا حکام دیا ہے۔