ماسکو (صداۓ روس)
روسی وزیرِ دفاع آندرے بیلوسوف نے کہا ہے کہ بدلتی ہوئی عالمی فوجی و سیاسی صورتحال کے تناظر میں روس اور چین کے درمیان دفاعی تعاون کی اہمیت مسلسل بڑھ رہی ہے۔ روسی وزارتِ دفاع کے مطابق آندرے بیلوسوف نے یہ بیان چینی وزیرِ دفاع ڈونگ جون سے ملاقات کے دوران دیا، جو سرکاری دورے پر روس میں موجود ہیں۔انہوں نے کہا کہ رواں سال روس اور چین کے درمیان اسٹریٹجک شراکت داری کے قیام کی 30ویں سالگرہ اور باہمی دوستی و تعاون کے معاہدے کی 25ویں سالگرہ منائی جا رہی ہے، جو دونوں ممالک کے تعلقات کی مضبوطی کی عکاسی کرتی ہے۔ روسی وزیرِ دفاع کا کہنا تھا کہ دوطرفہ عسکری تعاون نہ صرف علاقائی بلکہ عالمی سلامتی کے لیے بھی ایک اہم ستون بن چکا ہے۔ دوسری جانب چینی وزیرِ دفاع ڈونگ جون نے بھی اس بات پر زور دیا کہ سال 2026 روس اور چین کے دفاعی تعلقات کو مزید فروغ دینے کے لیے ایک اہم سنگِ میل ثابت ہوگا۔
