ماسکو (صداۓ روس)
روسی وزارتِ خارجہ نے افریقی ملک مالی میں حالیہ دہشت گرد سرگرمیوں پر گہری تشویش کا اظہار کیا ہے۔ جاری بیان کے مطابق 25 اپریل کو مسلح حکومت مخالف گروہوں نے دارالحکومت اور اس سے ملحقہ علاقوں میں مربوط حملے کیے۔
بیان میں کہا گیا کہ ان حملوں نے نہ صرف مالی کی داخلی سلامتی کو خطرے میں ڈالا ہے بلکہ پورے خطے کے استحکام پر بھی منفی اثرات مرتب ہو سکتے ہیں۔ روسی حکام نے اس صورتحال کو ایک سنگین پیش رفت قرار دیتے ہوئے کہا کہ دہشت گردوں کی کارروائیاں ایک دوست ملک کے امن و استحکام کے لیے براہِ راست خطرہ ہیں۔
روسی وزارتِ خارجہ نے مزید کہا کہ اس طرح کے واقعات خطے میں عدم استحکام کو بڑھا سکتے ہیں، جس کے اثرات پڑوسی ممالک تک بھی پھیل سکتے ہیں۔
