ماسکو(انٹرنیشنل ڈیسک)
فن لینڈ کی فضائیہ نے جنوب مشرقی علاقے پرکانما میں ممکنہ ڈرون سرگرمی کے پیش نظر F/A-18 سپر ہارنیٹ جنگی طیارے تعینات کر دیے۔ فن لینڈ کی نشریاتی ادارہ ییل کے مطابق فضائیہ نے علاقے میں نگرانی سخت کر دی ہے۔ 15 مئی کی صبح یوسیما علاقے (جس میں دارالحکومت ہیلسنکی شامل ہے) کے اوپر ایک ڈرون دیکھے جانے کی اطلاع ملی تھی، جس کے بعد ہیلسنکی ہوائی اڈے نے عارضی طور پر پروازیں معطل کر دی تھیں۔ بعد میں پروازیں بحال کر دی گئیں۔ فن لینڈ کے صدر الیگزینڈر سٹب نے کہا ہے کہ اس وقت کوئی براہ راست فوجی خطرہ نہیں ہے۔ فن لینڈ نے پچھلے کچھ عرصے میں اپنے علاقے اور فضائی حدود میں متعدد بار ڈرونز دیکھنے کی اطلاعات دی ہیں۔ ہیلسنکی کی حکومت نے یوکرینی ڈرونز کی پروازوں اور گرنے کے واقعات کی شدید مذمت کی ہے اور انہیں ناقابل قبول قرار دیا ہے۔
