لاہور (صداۓ روس)
حکومت نے لاہور انڈرگراؤنڈ میٹرو ’بلو لائن منصوبہ‘ پر کام مالی سال 2027 میں شروع کرنے کا اعلان کر دیا ہے۔ حکام کے مطابق یہ منصوبہ تین سال کے اندر مکمل کرنے کا ہدف رکھا گیا ہے۔ اس کا مقصد لاہور میں شہری ٹرانسپورٹ کے نظام کو جدید بنانا اور ٹریفک کے دباؤ میں نمایاں کمی لانا ہے۔ منصوبے کے تحت شہریوں کے روزمرہ سفر کے اوقات میں کمی آئے گی اور انہیں تیز، محفوظ اور آسان سفری سہولیات میسر ہوں گی۔ یہ منصوبہ لاہور کے پبلک ٹرانسپورٹ سسٹم کی بہتری کے لیے ایک وسیع تر انفراسٹرکچر پلان کا حصہ ہے، جس سے شہر کے اہم تجارتی علاقوں میں معاشی سرگرمیوں کو بھی فروغ ملے گا۔
