ماسکو(انٹرنیشنل ڈیسک)
اقوام متحدہ کے سیکریٹری جنرل انتونیو گوٹیرس اگست کے آخر اور ستمبر کے آغاز میں کرغزستان کے دارالحکومت بشکیک میں ہونے والے شنگھائی تعاون تنظیم (SCO) کے سربراہی اجلاس میں شرکت کریں گے۔ کرغزستان کی وزارت خارجہ نے بتایا کہ نیویارک میں کرغز وزیر خارجہ ژینبیک کولوبایف نے اقوام متحدہ کے سیکریٹری جنرل انتونیو گوٹیرس سے ملاقات کی۔ ملاقات میں SCO سربراہی اجلاس میں گوٹیرس کی شرکت پر خصوصی توجہ دی گئی۔ وزارت خارجہ کے بیان کے مطابق گوٹیرس نے کرغزستان کے صدر سادیر ژاپاروف کی دعوت قبول کرتے ہوئے اجلاس میں شرکت کی خوشی کا اظہار کیا۔ ملاقات کے دوران دونوں رہنماؤں نے بین الاقوامی اور علاقائی امور پر تبادلہ خیال کیا اور کرغزستان اور اقوام متحدہ کے درمیان تعاون کو مزید وسعت دینے کے امکانات پر بات کی۔ کرغز وزیر خارجہ نے اقوام متحدہ کو امن، پائیدار ترقی اور کثیرالجہتی تعاون کو فروغ دینے والی اہم عالمی تنظیم قرار دیا۔
