ماسکو (صداۓ روس)
ماسکو کے میئر سرگئی سویبینیان نے بتایا ہے کہ گزشتہ 24 گھنٹوں کے دوران فضائی دفاعی نظام نے ماسکو کے علاقے کی طرف آنے والے 340 ڈرونز کو تباہ کر دیا۔
سویبینیان نے سوشل میڈیا پلیٹ فارم میکس پر لکھا کہ “گزشتہ روز ماسکو کے علاقے کی طرف آتے ہوئے کل 340 بغیر پائلٹ کے فضائی گاڑیاں ریکارڈ کی گئیں۔ فضائی دفاعی نظام نے زیادہ تر ڈرونز کو دور سے ہی تباہ کر دیا، جبکہ 50 سے زیادہ ڈرونز ماسکو کے قریب تباہ کیے گئے۔”
حالیہ ہفتوں میں یوکرین کی جانب سے ماسکو پر ڈرون حملوں میں اضافہ دیکھا گیا ہے۔ اس سے قبل 6-7 جولائی کی درمیانی شب یوکرین نے 430 سے زائد ڈرونز ماسکو کی طرف بھیجے تھے، جبکہ 10 جولائی کو 29 ڈرونز کو ماسکو کے علاقے میں تباہ کیا گیا تھا اور 8 جولائی کو پانچ ڈرونز کو ماسکو کی طرف آتے ہوئے تباہ کیا گیا تھا۔
