ماسکو(انٹرنیشنل ڈیسک)
امریکی سینیٹر ڈک ڈربن نے انکشاف کیا ہے کہ امریکی انتظامیہ نے یوکرین کو 400 ملین ڈالر کی اضافی فوجی امداد منتقل کرنے سے انکار کر دیا ہے، حالانکہ یہ رقم امریکی کانگریس کی طرف سے منظور کی جا چکی تھی۔ کیپٹل ہل پر ہونے والی سماعتوں کے دوران ڈربن نے جوائنٹ چیفس آف اسٹاف کے چیئرمین جنرل ڈین کین سے سوال کیا کہ کیا وہ اس بات سے آگاہ ہیں کہ انتظامیہ نے انہیں بتایا ہے کہ یہ رقم اگلے صدر کے عہدہ سنبھالنے تک دستیاب نہیں ہوگی۔
جنرل کین نے جواب دیا کہ وہ اس بارے میں آگاہ نہیں ہیں۔ اس پر سینیٹر ڈربن نے کہا کہ ادائیگی کے منصوبے کے مطابق یہ رقم مالی سال 29 میں خرچ کی جائے گی اور نیا صدر، چاہے کوئی بھی ہو، اس بارے میں فیصلہ کرے گا۔ یہ سماعت سینیٹ کی اپروپریشنز کمیٹی میں ہوئی، جس میں جنرل کین اور امریکی وزیر جنگ پیٹ ہیگستھ بھی موجود تھے۔
