ماسکو (صداۓ روس)
روسی وزارت دفاع نے بتایا کہ پلیسیٹسک خلائی اڈے سے سوئز-2.1بی راکٹ کے ذریعے روانہ کیا گیا فوجی سیٹلائٹ کامیابی سے اپنے مطلوبہ مدار میں پہنچ گیا ہے۔ یہ لانچ پیر کی صبح ماسکو کے وقت کے مطابق 5:40 بجے کیا گیا۔ وزارت دفاع کے مطابق سیٹلائٹ کو مقررہ وقت پر مدار میں اتار دیا گیا اور اسے ایرو اسپیس فورسز کی زمینی تنصیبات کے کنٹرول میں دے دیا گیا ہے۔ وزارت نے بتایا کہ سیٹلائٹ کے ساتھ مستحکم ٹیلی میٹری رابطہ قائم کر لیا گیا ہے اور اس کے تمام نظام معمول کے مطابق کام کر رہے ہیں.
