ماسکو (صداۓ روس)
روسی صدر ولادیمیر پوتن نے مشرقی اقتصادی فورم میں کہا کہ روسی سویلین جہازوں کو ضبط کرنا اور نشانہ بنانا ریاستی دہشت گردی کی کارروائیاں ہیں۔ صدر پوتن نے خبردار کیا کہ یہ اقدامات یوکرین کے ساتھ امن مذاکرات کو مزید مشکل بنا رہے ہیں۔ صدر پوتن نے زیلنسکی کی طرف سے روسی فضائی حدود میں پرواز کرنے والی ایئر لائنز کو دھمکیوں کا حوالہ دیتے ہوئے کہا کہ یہ ریاستی دہشت گردی کا مظاہرہ ہے اور اس سے دو طرفہ امن مذاکرات کی مشکلات بڑھ گئی ہیں۔ انہوں نے کہا کہ جو ممالک خاموش ہیں وہ بین الاقوامی دہشت گردی میں شریک ہیں۔ صدر پوتن کا یہ بیان اس وقت سامنے آیا جب ناروے نے روسی تحقیقی جہاز پروفیسر مولچانوف کو اسوالبارڈ میں یوکرین کی نیفتوگاز کی درخواست پر ضبط کر لیا۔ ماسکو نے کہا کہ اس ضبطی کو عدالت میں چیلنج کیا جائے گا۔
