ماسکو (صداۓ روس)
ورلڈ ٹیبل ٹینس نے روسی کھلاڑیوں کو بین الاقوامی ٹورنامنٹس میں قومی پرچم اور ترانے کے ساتھ شرکت کی اجازت دے دی ہے، جس کے بعد روس کی قومی ٹیبل ٹینس ٹیم تمام شیڈول ٹورنامنٹس میں حصہ لے گی۔ ٹیبل ٹینس فیڈریشن آف روس کے صدر الیگزینڈر باباکوف نے کہا کہ پرچم اور ترانے کی واپسی ایک متوقع اور واضح فیصلہ تھا، جو اس حقیقت سے منسلک ہے کہ مغربی حکام کو روشناس ہوا اور آخر کار یہ سمجھ گئے کہ کھیل سیاست سے بالاتر ہونا چاہیے۔ انہوں نے کہا کہ اس فیصلے سے روسی کھلاڑیوں پر کوئی پابندی نہیں رہی اور وہ نہ صرف یورپی چیمپئن شپ بلکہ تمام بین الاقوامی مقابلوں میں حصہ لے سکیں گے۔ روسی کھلاڑی اس وقت المتا میں ڈبلیو ٹی ٹی کنٹینڈر ٹورنامنٹ میں حصہ لے رہے ہیں، اور میکاؤ، آستانہ اور چائنا سمیش ٹورنامنٹس میں بھی شرکت کریں گے۔ اس کے بعد روس اکتوبر میں سلووینیا میں ہونے والی یورپی چیمپئن شپ میں حصہ لے گا
