جہازوں پر حملے بند ہونے تک: ایران سے مذاکرات نہیں ہوں گے،امریکہ

ماسکو(انٹرنیشنل ڈیسک)

امریکی نائب صدر جے ڈی وینس نے وائٹ ہاؤس میں صحافیوں کو بتایا کہ امریکی انتظامیہ کا ایران کے ساتھ مذاکرات دوبارہ شروع کرنے کا کوئی ارادہ نہیں ہے جب تک تہران کی طرف سے تجارتی جہازوں پر حملے بند نہیں ہو جاتے۔ وینس نے کہا کہ صدر ٹرمپ نے بہت واضح کیا ہے کہ وہ ایران سے بات نہیں کر رہے اور نہیں کریں گے جب تک وہ تجارتی جہازوں کو نشانہ بنانا بند نہیں کرتے۔ انہوں نے کہا کہ فی الحال ایران کے خلاف بڑے جنگی آپریشن جاری نہیں ہیں، اور طویل عرصے سے نہیں ہیں۔ انہوں نے کہا کہ امریکا نے چند روز قبل ایران کی تجارتی جہازوں کو نشانہ بنانے کی صلاحیت کو کم کرنے کے لیے کارروائی کی ہے تاکہ عالمی توانائی کی منڈیوں میں تیل اور گیس کی ترسیل کو یقینی بنایا جا سکے۔ اس سے قبل امریکی سینٹرل کمانڈ نے ایران میں اہداف کے خلاف حملوں کی اطلاع دی تھی، جبکہ پریس ٹی وی کے مطابق ایران کے جنوبی ساحل پر دھماکے ہوئے۔ فارس نیوز ایجنسی نے ریڈ کریسنٹ کے حوالے سے بتایا کہ امریکی حملے میں ایرانی شہر سیرک میں شادی کی تقریب پر حملے میں 5 افراد ہلاک اور 68 زخمی ہوئے۔