ماسکو (صداۓ روس)
روسی صدر ولادیمیر پوتن نے کریملن میں ٹوگو کے وزیر اعظم فاورے ناسنگبے سے ملاقات کے دوران اپنی غیر معمولی توانائی کا راز بتایا۔ یہ ملاقات ماسکو میں روس-افریقہ سربراہ اجلاس میں شرکت کرنے والے افریقی رہنماؤں کے ساتھ ملاقاتوں کے سلسلے کا حصہ تھی۔ ناسنگبے نے کہا کہ جناب صدر، میں دل سے آپ کا شکریہ ادا کرنا چاہتا ہوں کہ آپ نے ملاقات کے لیے وقت نکالا اور صبر کا مظاہرہ کیا۔ کل میں نے دیکھا کہ آپ نے کتنی ملاقاتیں کیں۔ تاہم آپ ہم سے کم تھکے ہوئے نظر آئے۔ پوتن نے مسکراہٹ کے ساتھ جواب دیا کہ جناب وزیر اعظم، روسی لوگ کہتے ہیں کہ دوستوں کے ساتھ گزارا ہوا وقت انسان کی عمر میں شمار نہیں ہوتا، اس لیے ہم افریقہ سے آئے اپنے دوستوں کے ساتھ وقت کا لطف اٹھا رہے ہیں۔
جمعرات کو سربراہ اجلاس کے پلینری اجلاس کے وسیع پروگرام کے بعد روسی صدر نے افریقی وفود کے کئی سربراہوں سے بات چیت کی جو تقریباً آدھی رات تک جاری رہی۔ انہوں نے خاص طور پر نمیبیا، کانگو، برونڈی اور کینیا کے رہنماؤں سے ملاقات کی۔ یہ سلسلہ جمعے کو بھی جاری رہا، جہاں پوتن نے سوڈان، مڈغاسکر، گھانا، مالی، جنوبی سوڈان، وسطی افریقی جمہوریہ، جمہوری جمہوریہ کانگو اور ٹوگو کے رہنماؤں سے بات چیت کی۔
