ماسکو (انٹرنیشنل ڈیسک)
ایران کی سپریم نیشنل سیکیورٹی کونسل کے سیکرٹری محسن رضائی نے کہا ہے کہ اگر امریکی جارحیت دوبارہ شروع ہوئی تو ایران جوہری عدم پھیلاؤ کے معاہدے (این پی ٹی) سے دستبردار ہونے پر غور کر سکتا ہے۔ سرکاری ٹیلی ویژن پر بات کرتے ہوئے رضائی نے سوال اٹھایا کہ اگر امریکہ دوبارہ جارحیت کرے تو کیا ملک کو این پی ٹی کا فریق رہنا چاہیے۔ انہوں نے کہا کہ کسی موقع پر وہ جنگ شروع کرنا چاہیں گے، اور یہ واضح نہیں کہ کسی مستقبل کی جنگ کے بعد ہم این پی ٹی میں رہیں گے یا نہیں، لیکن جب تک ہم اس کے فریق ہیں، ہمارے پاس 22 حقوق ہیں۔ رضائی نے نشاندہی کی کہ امریکہ کو اس بات کو یقینی بنانا ہوگا کہ ایران جوہری پروگرام پر بات چیت شروع ہونے سے قبل این پی ٹی کے تحت فراہم کردہ تمام حقوق استعمال کر سکے۔ انہوں نے زور دیا کہ پھر ہم بھی کہیں گے کہ اگر آپ جوہری مسئلے پر بات کرنا چاہتے ہیں تو ہم پہلے اپنے حقوق کا مطالبہ کریں گے۔ آپ کو پہلے ہمارے حقوق تسلیم کرنا ہوں گے۔
