Connect with us

تازہ ترین

ایمبر ہرڈ کے ارمانوں پر پانی پھرگیا

Published

on

ایمبر ہرڈ کے ارمانوں پر پانی پھرگیا

ایمبر ہرڈ کے ارمانوں پر پانی پھرگیا

واشنگٹن (انٹرنیشنل)
ایمبر ہرڈ کے ارمانوں پر پانی پھرگیا ہے. امریکی ریاست ورجینیا کے ایک جج نے ہالی وڈ اداکارہ ایمبر ہرڈ کی جانب سے اپنے سابق شوہر جانی ڈیپ کے خلاف ہتک عزت کے مقدمے میں نئے ٹرائل کا مطالبہ مسترد کر دیا ہے۔
فرانسیسی خبر رساں ایجنسی اے ایف پی کے مطابق ایمبر ہرڈ کے وکلاء نے جج پینی ازکاریٹ سے کہا کہ وہ جانی ڈیپ کو 10 ملین ڈالر دینے کے جیوری کے فیصلے کو ایک طرف رکھ دیں اور مقدمے کی سماعت کا اعلان کریں، تاہم جج نے اس درخواست کو مسترد کر دیا۔ ایمبر ہرڈ نے ایک نئے مقدمے کی سماعت کے لیے کہا تھا کیونکہ فیصلہ سنانے والے سات ججوں میں سے ایک جج وہ نہیں تھے جنہیں جیوری سروس کے لیے طلب کیا گیا تھا۔
جج پینی ازکاریٹ نے کہا کہ ’دھوکہ دہی یا غلط کام کا کوئی ثبوت نہیں ہے، جیوری نے قانونی تقاضوں کو پورا کیا۔‘
یاد رہے کہ گذشتہ ماہ جون میں امریکہ میں جیوری نے ہالی وڈ اداکار جانی ڈیپ کے حق میں فیصلہ سناتے ہوئے ان کی سابقہ اہلیہ کی جانب سے جسمانی تشدد کے الزامات کو بے بنیاد قرار دیا تھا۔
جیوری نے اپنے فیصلے میں کہا کہ ایمبر ہرڈ جانی ڈیپ کو ایک کروڑ تین لاکھ پچاس ہزار ڈالر ہرجانہ ادا کریں۔
جیوری نے اداکارہ ایمبر ہرڈ کے حق میں بھی فیصلہ سنایا جنہوں نے ڈیپ کے وکیل پر الزام عائد کیا تھا کہ وہ ان کی ہتک عزت کی وجہ بنے۔ ایمبر کے بقول جانی ڈیپ کے وکیل نے ان کی جانب سے لگائے گئے الزامات کو ایک ’فراڈ‘ قرار دیا تھا۔
امریکی جیوری نے جانی ڈیپ کو اپنی سابقہ اہلیہ کو 20 لاکھ ڈالر ادا کرنے کا حکم دیا۔ جانی ڈیپ نے اپنی سابقہ اہلیہ کے خلاف 2018 میں ہرجانے کا مقدمہ دائر کیا تھا جس میں انہوں نے دعویٰ کیا تھا کہ ایمبرڈ ہرڈ نے واشنگٹن پوسٹ میں شائع ہونے والے ایک مضمون میں خود کو ’گھریلو تشدد کی نمائندہ عوامی شخصیت‘ کے طور پر پیش کیا تھا۔
ڈیپ کے وکلا کا موقف تھا کہ اس مضمون سے ان کی ساکھ کو نقصان پہنچا ہے حالانکہ اس آرٹیکل میں ڈیپ کا نام نہیں لکھا گیا تھا۔
ڈیپ نے فیئر فیکس کاؤنٹی سرکٹ کورٹ میں ہرڈ کے خلاف دسمبر 2018 کی ایک آپشن ایڈ پر مقدمہ دائر کیا جس میں انہوں نے واشنگٹن پوسٹ میں لکھا تھا کہ وہ خود کو “گھریلو بدسلوکی کی نمائندگی کرنے والی عوامی شخصیت” کے طور پر بیان کرتی ہے۔ ان کے وکلاء نے کہا کہ آرٹیکل کے ذریعہ ان کی بدنامی ہوئی ہے۔ اداکارہ ایمبر ہرڈ نے جانی ڈیپ پر جنسی تشدد کا الزام بھی عائد کیا تھا۔ ڈیپ کا کہنا تھا کہ انہوں نے ہرڈ کو کبھی جسمانی تشدد کا نشانہ نہیں بنایا تھا بلکہ وہ بدسلوکی کرتی تھیں۔ واضح رہے کہ دونوں اداکاروں کی ملاقات 2011 میں فلم ’دی رم ڈائری‘ کے سیٹ پر ہوئی تھی اور دونوں کی شادی 2015 سے 2017 تک قائم رہی تھی۔

تازہ ترین

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

Published

on

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

اسلام آباد (صداۓ روس)
پاکستان اورانگلینڈ کے مابین پہلے ٹیسٹ میچ کے پہلے روز کئی ریکارڈ بن گئے جبکہ انگلینڈ نے میچ کے پہلے روز 506 رنز بنا کر 112 سال پرانا ریکارڈ بھی توڑ ڈالا۔ انگلینڈ نے صرف 4 وکٹیں گنوا کر 506 رنز بنالیے اس طرح انگلینڈ نے میچ کے پہلے روز 506 رنز بنا کر اپنا ہی 68 سالہ پرانا ریکارڈ توڑ ڈالا۔ اس سے قبل انگلینڈ نے 1954 میں نوٹنگھم ٹیسٹ میں پاکستان کے خلاف ہی ایک دن میں 496 رنز بنائے تھے۔

ایک دن میں سب سے زیادہ رنز بنانے کا بھی ریکارڈ انگلینڈ ٹیم کے ہی پاس ہی جوانہوں نے ہندوستان کے خلاف 588 اسکور کر کے بنایا تھا۔ 9 دسمبر 1910 کو آسٹریلیا نے جنوبی افریقہ کے خلاف پہلے روز 494 رنز سکور کیے تھے۔ پاکستان اور انگلیند کے میچ کے دوران ایک اور ریکارڈ بھی بنا جو کہ ہیری بروک نے سعود شکیل کو ایک اوور میں لگا تار 6 چوکے لگا کر بنایا ۔ اس سے قبل یہ ریکارڈ ایک اوور میں 5 چوکوں کا ہے جو کہ ہندوستان کے جسپریت بھمرا نے انگلش باؤلر سٹورٹ براٹ کو لگائے تھے۔

راولپنڈی میں جاری میچ کے پہلے روز انگلش بلے بازوں نے پاکستانی باؤلرز کی خوب پٹائی کی اور شاندار بیٹنگ کا مظاہرہ کرتے ہوئے رنز کا پہاڑ کھڑا کر دیا۔ انگلینڈ کے پہلے تینوں بلے باز سینچریز سکور کرنے میں کامیاب ہوئے۔ پاکستانی باؤلرز پہلے روز بمشکل 4 کھلاڑیوں کو ہی آؤٹ کر پائے۔ پاکستان کی جانب سے زاہد محمود نے 2 جبکہ حارث رؤف اور محمد علی نے ایک ایک وکٹ حاصل کی۔

راولپنڈی کرکٹ گراؤنڈ میں آج دونوں ٹیموں کے کپتانوں نے ٹرافی کی تقریب رونمائی میں بھی شرکت کی۔

Continue Reading

ٹرینڈنگ