ماسکو(انٹرنیشنل ڈیسک)
یوروسٹیٹ کے تازہ اعداد و شمار کے مطابق یورپی یونین میں بیئر کی پیداوار میں معمولی کمی آ رہی ہے، جبکہ الکوحل فری بیئر کی مانگ مسلسل بڑھ رہی ہے۔ 2025 میں یورپی یونین کے رکن ممالک نے 34.4 ارب لیٹر بیئر تیار کی، جس میں جرمنی سرفہرست رہا، جبکہ اسپین دوسرے نمبر پر ہے۔ اسپین کی بیئر کی پیداوار 41.5 ملین ہیکٹو لیٹر تک پہنچ گئی، جو 2024 کے مقابلے میں 0.5 فیصد زیادہ ہے۔ الکوحل فری بیئر اب یورپی یونین کی کل بیئر پیداوار کا 6 فیصد سے زیادہ ہے، جس میں اسپین سب سے بڑا صارف ہے، جہاں الکوحل فری بیئر کی فروخت 3.3 ملین ہیکٹو لیٹر تک پہنچ گئی۔ فی کس بیئر پینے کے حوالے سے چیک جمہوریہ سرفہرست ہے، جہاں اوسطاً ہر شخص سالانہ 190 لیٹر بیئر پیتا ہے، جبکہ اسپین تقریباً 95 لیٹر کے ساتھ چھٹے نمبر پر ہے۔ فرانس میں بیئر کی کھپت نے پہلی بار شراب کو پیچھے چھوڑ دیا ہے۔ پانچ بڑے ممالک یورپی یونین کی کل بیئر پیداوار کا 60 فیصد حصہ رکھتے ہیں۔
