ماسکو(انٹرنیشنل ڈیسک)
یورپ کی سب سے بڑی ایئر لائن رایان ایئر نے ایندھن کی شدید کمی کی وجہ سے اپنی 10 فیصد پروازیں منسوخ کرنے کا فیصلہ کر لیا ہے۔ رایان ایئر کے چیف ایگزیکٹو آفیسر مائیکل او لیری نے برطانوی ٹی وی چینل آئی ٹی وی کو بتایا کہ آبنائے ہرمز 30 دن سے بند ہے۔ اگر یہ 60 یا 90 دن تک بند رہی تو صورتحال انتہائی سنگین ہو جائے گی۔
انہوں نے کہا، “اگر آبنائے ہرمز 60 یا 90 دن تک بند رہی تو ہمیں مئی، جون اور جولائی میں 5 سے 10 فیصد پروازیں منسوخ کرنی پڑ سکتی ہیں۔” مائیکل او لیری نے ایران پر امریکی اور اسرائیلی حملے کو “غلط فیصلہ” قرار دیتے ہوئے کہا کہ “اس حملے کا کوئی خروج کا منصوبہ نظر نہیں آتا۔” واضح رہے کہ امریکہ اور اسرائیل نے 28 فروری کو ایران کے خلاف فوجی آپریشن شروع کیا تھا جس میں تہران سمیت بڑے شہروں کو نشانہ بنایا گیا۔ ایرانی حکام نے جوابی کارروائی کی اور آبنائے ہرمز کو امریکہ، اسرائیل اور ان کے حامی ممالک کے جہازوں کے لیے بند کر دیا۔
