ماسکو (صداۓ روس)
روسی وزیر خارجہ سرگئی لاوروف نے کہا ہے کہ امریکہ اور اسرائیل نے ایران کے ساتھ جاری بات چیت کے دوران حملہ کر کے اس کے ساتھ غداری کی ہے۔ فرانس ٹیلی ویژن کو انٹرویو دیتے ہوئے لاوروف نے کہا میں واضح کر دینا چاہتا ہوں کہ جون 2025 اور فروری 2026 میں بات چیت جاری تھی۔ یہ حملے بالکل بے جواز تھے، بغیر جنگ کا اعلان کیے کیے گئے اور بات چیت کے درمیان، اگلے دور مذاکرات سے پہلے شروع کر دیے گئے۔ یہ یقینی طور پر پیچھے سے خنجر بھونکنے کے سوا کچھ نہیں ہے۔”
انہوں نے مزید کہا یہ میں نہیں بلکہ حقیقت ہے کہ امریکہ اور اسرائیل نے ایران میں بین الاقوامی قانون کی خلاف ورزی کی ہے۔ یہ کوئی انکار نہیں کر رہا، نہ فرانسیسی قیادت اور نہ ہی یورپی یونین کے متعدد ممالک۔ دوسرے براعظموں پر بھی سب کچھ سمجھ رہے ہیں۔
