Connect with us

تازہ ترین

روس اور امریکی انٹیلی جنس چیف کی انقرہ میں ملاقات

Published

on

روس اور امریکی انٹیلی جنس چیف کی انقرہ میں ملاقات

روس اور امریکی انٹیلی جنس چیف کی انقرہ میں ملاقات

انقرہ (انٹرنیشنل ڈیسک)
روسی صدارتی محل کے ترجمان دیمتری پسکوف نے روسی خارجہ انٹیلی جنس چیف اور امریکی سی آئی اے چیف کی ترکیہ کے دارالحکومت انقرہ میں ملاقات کی تصدیق کرتے ہوئے کہا کہ ترکیہ کے دارالحکومت انقرہ میں ہونے والی یہ ملاقات امریکی فریق کی درخواست پر کی گئی ہے۔ وائٹ ہاؤس کے مطابق امریکی سی آئی اے چیف ولیم برونز اور روسی خارجہ انٹیلی جنس چیف ناریشکین کے ملاقات کا بنیادی موضوع ایٹمی ہتھیاروں کا استعمال تھا۔ رپورٹ کے مطابق اسی طرح کی ایک ملاقات امریکی صدر جو بائیڈن اور چینی صدر شی جن پنگ کے درمیان ہوئی جس میں ایٹمی ہتھیاروں کے خطرات کو کم کرنے پر بات چیت کی گئی۔

رپورٹ کے مطابق ایک امریکی اہلکار نے نام فاش نہ کرنے کی شرط پر بتایا کہ برنز نے کسی موضوع پر کسی بھی قسم کے مذاکرات نہیں کئے، انہوں نے یوکرین کے موضوع پر بھی کوئی بات نہیں کی، انہوں نے صرف روس کے طرف سے ایٹمی ہتھیاروں کے استعمال کے پیغام، اس کے نتائج اور اسٹریٹیجک استحکام کے موضوع پر بات چیت کی، اس کے علاوہ امریکی شہریوں کی گرفتاریوں کا معاملہ بھی انہوں نے اٹھایا گیا۔ امریکی اور روسی انٹیلی جنس چیف کے ملاقات کی خبر روسی اخبار نے دی تھی جب کہ ترک حکام نے اس ملاقات سے لاعلمی کا اظہار کیا تھا۔

اقوام متحدہ کے سیکرٹری جنرل انتونیو گوتریس سے جب بالی انڈونیشا میں ہونے والی روسی اور امریکی انٹیلی جنس چیف کی ملاقات کا سوال پوچھا گیا تو انہوں نے کہا کہ اقوام متحدہ نے ان مذاکرات میں کوئی کردار ادا نہیں کیا ہے۔ گوتریس نے مزید کہا کہ امریکہ اور روس کے مذاکرات بہت مثبت اقدام ہے کیونکہ اسے کے مستقبل پر بہت گہرے اثرات مرتب ہوں گے لیکن ہم نے ان میں کوئی کردار ادا نہیں کیا۔

تازہ ترین

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

Published

on

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

راولپنڈی ٹیسٹ میں کرکٹ کی تاریخ کا 112 سالہ ریکارڈ ٹوٹ گیا

اسلام آباد (صداۓ روس)
پاکستان اورانگلینڈ کے مابین پہلے ٹیسٹ میچ کے پہلے روز کئی ریکارڈ بن گئے جبکہ انگلینڈ نے میچ کے پہلے روز 506 رنز بنا کر 112 سال پرانا ریکارڈ بھی توڑ ڈالا۔ انگلینڈ نے صرف 4 وکٹیں گنوا کر 506 رنز بنالیے اس طرح انگلینڈ نے میچ کے پہلے روز 506 رنز بنا کر اپنا ہی 68 سالہ پرانا ریکارڈ توڑ ڈالا۔ اس سے قبل انگلینڈ نے 1954 میں نوٹنگھم ٹیسٹ میں پاکستان کے خلاف ہی ایک دن میں 496 رنز بنائے تھے۔

ایک دن میں سب سے زیادہ رنز بنانے کا بھی ریکارڈ انگلینڈ ٹیم کے ہی پاس ہی جوانہوں نے ہندوستان کے خلاف 588 اسکور کر کے بنایا تھا۔ 9 دسمبر 1910 کو آسٹریلیا نے جنوبی افریقہ کے خلاف پہلے روز 494 رنز سکور کیے تھے۔ پاکستان اور انگلیند کے میچ کے دوران ایک اور ریکارڈ بھی بنا جو کہ ہیری بروک نے سعود شکیل کو ایک اوور میں لگا تار 6 چوکے لگا کر بنایا ۔ اس سے قبل یہ ریکارڈ ایک اوور میں 5 چوکوں کا ہے جو کہ ہندوستان کے جسپریت بھمرا نے انگلش باؤلر سٹورٹ براٹ کو لگائے تھے۔

راولپنڈی میں جاری میچ کے پہلے روز انگلش بلے بازوں نے پاکستانی باؤلرز کی خوب پٹائی کی اور شاندار بیٹنگ کا مظاہرہ کرتے ہوئے رنز کا پہاڑ کھڑا کر دیا۔ انگلینڈ کے پہلے تینوں بلے باز سینچریز سکور کرنے میں کامیاب ہوئے۔ پاکستانی باؤلرز پہلے روز بمشکل 4 کھلاڑیوں کو ہی آؤٹ کر پائے۔ پاکستان کی جانب سے زاہد محمود نے 2 جبکہ حارث رؤف اور محمد علی نے ایک ایک وکٹ حاصل کی۔

راولپنڈی کرکٹ گراؤنڈ میں آج دونوں ٹیموں کے کپتانوں نے ٹرافی کی تقریب رونمائی میں بھی شرکت کی۔

Continue Reading

ٹرینڈنگ