ماسکو (صداۓ روس)
روسی صدر ولادیمیر پوتن نے تیسرے روس-افریقہ سربراہ اجلاس کے دوران کہا ہے کہ ماسکو افریقی ممالک کو اندرونی استحکام اور سلامتی برقرار رکھنے کے ساتھ ساتھ ان کی دفاعی صلاحیتیں مضبوط بنانے میں بھی بھرپور مدد فراہم کر رہا ہے۔
انہوں نے کہا اقوام متحدہ کی سلامتی کونسل کے مستقل رکن کے طور پر ہمارا ملک افریقی براعظم پر جاری تنازعات کے حل اور نئے تنازعات کی روک تھام میں نمایاں کردار ادا کر رہا ہے۔ ایسا کرتے ہوئے ہم اس بنیادی اصول پر مستقل طور پر کاربند ہیں جو آپ نے خود اعلان کیا ہے افریقی مسائل کا حل افریقی ہی ہونا چاہیے۔’ روس افریقی ریاستوں کو اندرونی استحکام اور سلامتی برقرار رکھنے اور ان کی دفاعی صلاحیتیں مضبوط بنانے میں بھرپور مدد کر رہا ہے۔
پوتن نے نشاندہی کی کہ روس نے 45 افریقی ممالک کے ساتھ فوجی اور فوجی تکنیکی تعاون کے بین الحکومتی معاہدوں پر دستخط کیے ہیں۔ انہوں نے یاد دلایا: “افریقی فوجیوں اور قانون نافذ کرنے والے اہلکاروں کی روسی تعلیمی اداروں میں تربیت کی جا رہی ہے۔
