ماسکو (انٹرنیشنل ڈیسک)
نیویارک ٹائمز نے جمعہ کو بتایا کہ امریکی صدر ڈونلڈ ٹرمپ نے اس ماہ ترکی میں نیٹو سربراہی اجلاس کے بعد مبینہ ایرانی منصوبے کے خوف سے اچانک طیارے تبدیل کر لیے۔ رپورٹ کے مطابق ٹرمپ انقرہ سے نئے قطری عطیہ کردہ بوئنگ 747-8 کے بجائے پرانے ایئر فورس ون پر سوار ہوئے۔ ذرائع کے مطابق حکام کو خدشہ تھا کہ “ایرانی پراکسی فورسز” صدر کی جان کے لیے خطرہ ہیں۔ طیارے کی تبدیلی اس وقت ہوئی جب اطلاعات تھیں کہ اسرائیل نے امریکا کو انٹیلیجنس فراہم کی تھی جس میں کہا گیا تھا کہ ایران ٹرمپ کو نشانہ بنانے کی منصوبہ بندی کر رہا ہے۔ تاہم کچھ امریکی حکام کا خیال تھا کہ اسرائیل ٹرمپ کو ایران کے خلاف حملے تیز کرنے پر اکسا رہا ہے۔ امریکا اور اسرائیل نے اپنی بمباری مہم کے دوران درجنوں سینئر ایرانی حکام اور فوجی کمانڈروں کو ہلاک کیا تھا، جن میں ملک کے طویل عرصے تک سپریم لیڈر رہنے والے علی خامنہ ای بھی شامل تھے، جو 28 فروری کو تہران میں اپنے کمپاؤنڈ پر حملے میں ہلاک ہوئے تھے۔
ٹرمپ نے بعد میں دعویٰ کیا کہ وہ ایران کی ہٹ لسٹ پر ہیں اور خبردار کیا کہ اگر انہیں قتل کرنے کی کوشش کی گئی تو ہزاروں میزائل ایران پر فائر کیے جائیں گے۔ ایران کے نئے رہنما مجتبیٰ خامنہ ای نے اس ماں اپنے والد کا بدلہ لینے کا عہد کیا۔
