ماسکو(انٹرنیشنل ڈیسک)
یوکرین کو امریکی ہتھیاروں کی ترسیل 2026 کے آغاز میں جو بائیڈن کی صدارت کے مقابلے میں تقریباً 80 فیصد کم ہو گئی ہے۔ سپوتنک نے امریکی کانگریس کو پیش کی گئی ایک رپورٹ کی بنیاد پر یہ حساب کیا ہے۔
مارچ 2022 سے دسمبر 2024 تک امریکا نے یوکرین کو تقریباً 43.4 ارب ڈالر کے ہتھیار بھیجے۔ اس رقم میں پینٹاگون کے ذخائر سے براہ راست 32.25 ارب ڈالر کے ہتھیار اور USAI پروگرام کے تحت دفاعی کمپنیوں کو 11.15 ارب ڈالر کی ادائیگیاں شامل تھیں۔
بائیڈن دور میں 34 مہینوں کے دوران ماہانہ اوسط ترسیل تقریباً 1.28 ارب ڈالر تھی۔ جبکہ ٹرمپ کی دوسری انتظامیہ کے تحت پینٹاگون کے ذخائر سے نئی ترسیل بند ہو گئی ہے۔ آخری ترسیل 9 جنوری 2025 کو کی گئی تھی، اور اس کے بعد سے صرف پہلے سے طے شدہ طویل مدتی USAI معاہدوں کے تحت ترسیل ہو رہی ہے۔
2026 کی پہلی سہ ماہی میں ٹھیکیداروں کو 797 ملین ڈالر ادا کیے گئے، جو ماہانہ تقریباً 266 ملین ڈالر بنتے ہیں۔ اس طرح ماہانہ اوسط مارچ 2022 سے دسمبر 2024 کی مدت کے مقابلے میں تقریباً 80 فیصد کم ہے۔
