سینٹ پیٹرزبرگ انٹرنیشنل اکنامک فورم 2024 کا آغاز ہوگیا
سینٹ پیٹرزبرگ : اشتیاق ہمدانی
سینٹ پیٹرزبرگ انٹرنیشنل اکنامک فورم 2024 کا آغاز ہوگیا ہے جس میں پاکستان سمیت دنیا کے 130 سے زائد ممالک شرکت کر رہے ہیں. سینٹ پیٹرزبرگ انٹرنیشنل اکنامک فورم میں طے پانے والے معاہدوں کا کل حجم 4-5 ٹریلین روبل ($45-56 بلین) ہوسکتا ہے۔گزشتہ برس 2023 میں اختتام پذیر معاہدوں کی کل رقم 3.8 ٹریلین روبل تک پہنچ گئی۔ تقریب میں طے پانے والے معاہدے مستحکم تجارتی تعلقات کی تشکیل، نئی منڈیوں کو کھولنے اور سرمایہ کاری کی سرگرمیوں کو تحریک دینے میں کلیدی کردار ادا کرتے ہیں۔
فورم کا آغاز 5 جون سے ہوا اور اس سال 130 سے زائد ممالک کے نمائندے اس میں شریک ہیں۔ اس فورم میں عمان کو مہمان ملک کا اعزازی درجہ حاصل ہے جبکہ تقریب کا مرکزی موضوع ایک انصاف پسند دنیا کی بنیاد کے طور پر خودمختار ترقی ہے۔ ماہرین کا خیال ہے کہ جیسے جیسے نیا عالمی نظام شکل اختیار کرنا شروع کر رہا ہے، ممالک ترقی کے مواقع تلاش کر رہے ہیں، اور اس طرح کے بڑے پیمانے پر ہونے والے واقعات اس کوشش میں مدد فراہم کرتے ہیں۔
اس حوالے سے پلیخانوف روسی یونیورسٹی آف اکنامکس کے پروفیسر پاول ٹیریلینسکی نے کہا کہ ایک نیا کثیر قطبی عالمی نظام تشکیل پا رہا ہے۔ جس کے نتیجتاً مالیاتی لین دین کی نئی لاجسٹکس اور جہت ہوگی، اور یہ موضوع فورم پر ہونے والی تمام کاروائی کی بنیاد بن جائے گی۔