مسافر طیارہ دوران پرواز ژالہ باری کے طوفان سے ٹکرا گیا
ماسکو (انٹرنیشنل ڈیسک)
آسٹرین ایئر لائنز نے کہا کہ آسٹرین ایئر لائنز کے ایک طیارے کو دوران پرواز برف کے اولوں سے شدید نقصان پہنچا جب طیارہ ایک تھنڈرم سیل یعنی ژالہ باری کے طوفان میں گھس گیا۔ طوفان کا سیل ایک ہوا کا ماس ہوتا ہے جس میں اوپر اور نیچے کے ڈرافٹ ہوتے ہیں، جو طیارے کا سامنا کرنے پر بڑی خرابی کا سبب بن سکتا ہے۔ اسپین کے پالما ڈی میلورکا سے ویانا، آسٹریا جانے والا طیارہ 173 مسافروں اور عملے کے چھ افراد کے ساتھ ویانا میں بحفاظت اتر گیا۔ آسٹریا کا کہنا ہے کہ پرواز کے دوران ایک مے ڈے ایمرجنسی کال کی گئی تھی۔ سوشل میڈیا پر گردش ہونے والی تصویر میں دیکھا جا سکتا ہے کہ طیارے کی نوز کو شدید نقصان پہنچا، کاک پٹ کا اوپری حصہ جھک گیا اور کاک پٹ کی کھڑکیوں کے شیشے ٹوٹ گئے۔
ایئر بس اے تھری ٹوینٹی کی فلائٹ او ایس ٤٣٤ میں پالما ڈی میلورکا سے ویانا جا رہی تھی جسے اولوں کے طوفان سے نقصان پہنچا۔ آسٹرین ایئر لائنز نے پیر کو ایک بیان میں کہا کہ یہ طیارہ ویانا کے قریب پہنچنے پر ایک تھنڈرم سیل میں پھنس گیا تھا، جو کاک پٹ کے عملے کے مطابق موسمی ریڈار پر نظر نہیں آ رہا تھا۔