اسلام آباد (صداۓ روس)
انگلینڈ اینڈ ویلز کرکٹ بورڈ نے آئندہ فیوچر ٹور پروگرام میں Pakistan national cricket team اور South Africa national cricket team کے خلاف پانچ، پانچ ٹیسٹ میچز پر مشتمل ہوم سیریز شامل کرنے کا منصوبہ تیار کر لیا ہے۔ برطانوی میڈیا رپورٹس کے مطابق انگلینڈ کرکٹ بورڈ نے اس حوالے سے دونوں کرکٹ بورڈز کے ساتھ ابتدائی سطح پر رابطے اور مشاورت بھی شروع کر دی ہے۔ رپورٹس میں کہا گیا ہے کہ انگلینڈ کا نیا فیوچر ٹور پروگرام آئندہ برس The Ashes سیریز سے شروع ہوگا، جس کے بعد پاکستان اور جنوبی افریقا کے خلاف طویل ٹیسٹ سیریز شیڈول کیے جانے کا امکان ہے۔ میڈیا رپورٹس کے مطابق مجوزہ شیڈول میں Bangladesh national cricket team اور Sri Lanka national cricket team کے خلاف ایک، ایک ٹیسٹ میچ کی مختصر سیریز بھی شامل ہوگی، جبکہ ان ٹیموں کے ساتھ وائٹ بال سیریز بھی کھیلی جائیں گی۔
برطانوی میڈیا کا کہنا ہے کہ بنگلادیش اور سری لنکا کے خلاف وائٹ بال سیریز انگلینڈ کرکٹ بورڈ کے لیے مالی طور پر فائدہ مند ثابت ہو سکتی ہیں، جبکہ پاکستان اور جنوبی افریقا کے خلاف طویل ٹیسٹ سیریز سے ٹیسٹ کرکٹ کو فروغ ملنے کی توقع ہے۔ کرکٹ حلقوں کے مطابق اگر پاکستان اور انگلینڈ کے درمیان پانچ ٹیسٹ میچز کی سیریز طے پا جاتی ہے تو یہ حالیہ برسوں کی بڑی اور یادگار ٹیسٹ سیریز میں شمار ہوگی۔
