قازان / حسن رضا
روس کے شہر قازان میں “قازان — اسلامی دنیا کا ثقافتی دارالحکومت 2026” کے افتتاح اور XVII انٹرنیشنل اکنامک فورم “روس — اسلامی دنیا: قازان فورم 2026” کے موقع پر عالمی سطح کا شاندار استقبالیہ تقریب منعقد کی گئی۔ صدائے روس کے چیف ایڈیٹر اشتیاق ہمدانی اپنی ٹیم کے ہمراہ اس اہم فورم میں شریک ہوئے اور پاکستانی میڈیا کی نمائندگی کرتے ہوئے خصوصی کوریج کی۔ تقریب میں روسی نائب وزیراعظم مارات خس نولین، روسی وزیر ثقافت اولگا لیوبی مووا، ISESCO کے ڈائریکٹر جنرل سلیم بن محمد المالک اور متعدد غیر ملکی وفود شامل تھے۔
نائب وزیراعظم مارات خس نولین نے صدر ولادیمیر پوتن کا حوالہ دیتے ہوئے کہا کہ روس روایتی اسلامی اقدار کا احترام کرتا ہے۔ ISESCO کے سربراہ سلیم بن محمد المالک نے کازان کو اسلامی دنیا کا ثقافتی دارالحکومت قرار دینے پر خوشی کا اظہار کیا اور کہا کہ کازان مختلف ثقافتوں اور مذاہب کے ہم آہنگ بقائے باہمی کی بہترین مثال ہے۔
تاتارستان کے رئیس رستم منی خانوف نے تقریب میں شرکت کرنے والوں کا خیرمقدم کیا اور روسی قیادت کا شکریہ ادا کیا۔
شام کا پروگرام تاتارستان کے فنکاروں کی ثقافتی کارکردگی کے ساتھ اختتام پذیر ہوا۔
