ماسکو (صداۓ روس)
روس کی سلامتی کونسل کے نائب چیئرمین دیمتری میدویڈیف نے کہا ہے کہ فن لینڈ نیوکلیئر ہتھیاروں کی درآمدات پر پابندی ختم کرنے کے بعد روس کے ممکنہ نیوکلیئر حملوں کے اہداف کی فہرست میں شامل ہو گیا ہے۔ انہوں نے X پر لکھا کہ “فن لینڈ نے نیوکلیئر ہتھیاروں کی میزبانی پر پابندی ختم کر دی۔ فن لینڈ والوں کے لیے اس سے کیا بدلا؟ صرف ایک چھوٹی سی بات: ان کا ملک اب روس کی نیوکلیئر ٹارگٹ لسٹ میں شامل ہے۔ مبارک ہو فن لینڈ، تم نے سلامتی کی بلند ترین سطح حاصل کر لی ہے!” 17 جون کو فن لینڈ کی پارلیمنٹ نے حکومت کی تجویز پر نیوکلیئر ہتھیاروں کی درآمدات کی اجازت دے دی تھی۔
