ماسکو (صداۓ روس)
ایئر تنزانیہ نے تنزانیہ اور روس کے درمیان براہ راست شیڈول پرواز کا آغاز کر دیا ہے۔ یہ دونوں ممالک کے درمیان موجودہ واحد براہ راست ریگولر ایئر سروس ہے۔ ایئر لائن کی افتتاحی پرواز جمعرات کو ماسکو کے ونوکووو ایئرپورٹ پر اتری جس پر 123 مسافر سوار تھے جبکہ واپسی کی پرواز پر 144 مسافر بک تھے۔ روسی وزارتِ نقل و حمل کے مطابق تنزانیہ کی نیشنل کیریئر دار السلام — ماسکو (ونوکووو) — زنزبار روٹ پر ہفتے میں تین بار بوئنگ 787 ڈریم لائنرز سے پروازیں چلائے گی۔
ماسکو سے زنزبار کا سفر تقریباً 8.5 گھنٹے کا ہے۔ یہ نئی روٹ انٹر گورنمنٹل مشاورت کے بعد ممکن ہوئی۔ ایک مسافر نے RT کو بتایا کہ وہ دونوں ممالک کے درمیان براہ راست رابطے کا انتظار کر رہے تھے۔ روس کے ٹور آپریٹرز ایسوسی ایشن (ATOR) نے بتایا کہ اس پرواز سے تنزانیہ جانے والے روسی سیاحوں کی تعداد میں کم از کم 30 فیصد اضافہ ہو سکتا ہے۔
