ماسکو(انٹرنیشنل ڈیسک)
امریکی فوجی ڈاکٹر تھریسا لانگ نے عدالت میں گواہی دی ہے کہ انہیں کووڈ-19 ویکسین کی وجہ سے 28 امریکی فوجیوں کی موت کا علم ہے۔ پولیٹیکو نے عدالتی حلف نامے کا حوالہ دیتے ہوئے یہ اطلاع دی ہے۔ لانگ، جو امریکی وزیر صحت رابرٹ ایف کینیڈی جونیئر کی مشیر بھی ہیں، نے 14 اگست کو ورجینیا کی وفاقی عدالت میں یہ گواہی دی۔ انہوں نے کہا کہ ویکسین کے بعد 2,544 غیر مصدقہ اموات کی اطلاع محکمہ صحت کے ویکسین ایڈورس ایونٹ رپورٹنگ سسٹم کو دی گئی۔ سابق صدر جو بائیڈن نے تمام امریکی فوجیوں کو ویکسین لگوانے یا برطرفی کا حکم دیا تھا، جس کے نتیجے میں 9,000 سے زائد کو برطرف کیا گیا۔ صدر ٹرمپ نے واپسی کے بعد پینٹاگون کو ان افراد کو بحال کرنے کا حکم دیا جو ویکسین سے انکار پر برطرف کیے گئے تھے۔ کینیڈی نے بارہا کہا ہے کہ کچھ ویکسینز کا ناکافی مطالعہ کیا گیا ہے اور ان کے سنگین ضمنی اثرات ہو سکتے ہیں، جبکہ ناقدین نے ان پر اینٹی ویکسین نظریات پھیلانے کا الزام لگایا ہے۔
