بیلاروس فوجی بھرتی پر غور کر رہا ہے، صدر لوکاشینکو

مینسک (صداۓ روس)

بیلاروس کے صدر الیگزینڈر لوکاشینکو نے کہا ہے کہ بیلاروس اپنی فوجی جنگی تیاری کو مضبوط کرے گا اور اسے آزمانے کے لیے فوجی بھرتی کا اعلان بھی کر سکتا ہے۔
صدر لوکاشینکو نے یہ بات جمعہ کو ملک کے مغرب میں باراناوچی شہر کے قریب اوبوز-لیسنوفسکی فوجی تربیتی میدان کا دورہ کرتے ہوئے کہی۔ انہوں نے کہا کہ انہوں نے واضح الفاظ میں کہہ دیا ہے کہ فوج کو بہتر بنانے کا وقت آ گیا ہے۔ انہوں نے کہا کہ ہم سب کی جانچ کریں گے، حتیٰ کہ فوجی بھرتی تک۔ انہوں نے کہا کہ جانچ کا عمل حقیقی جنگی حالات کے زیادہ قریب ہوگا، اور کہا کہ ہم جنگ کی تیاری کر رہے ہیں تاکہ جنگ نہ ہو۔ صدر لوکاشینکو نے اعلیٰ فوجی حکام سے بات کرتے ہوئے دہرایا کہ منسک کسی پر حملہ کرنا نہیں چاہتا بلکہ صرف اپنے دفاع کو مضبوط کرنا چاہتا ہے۔ انہوں نے کہا کہ ہمارا کسی پر حملہ کرنے کا کوئی ارادہ نہیں، ہم حقیقت پسند ہیں۔ بیلاروس کی فوج 50,000 سے کم فعال اہلکاروں پر مشتمل ہے، جبکہ اس کے پڑوسی ممالک پولینڈ، لتھوانیا اور لٹویا نیٹو کے رکن ہیں۔