روس جوہری طاقت ہے، فرانس جنگ میں نہ جائے، فرانسیسی رہنما کا انتباہ

ماسکو (انٹرنیشنل ڈیسک)

نیشنل ریلی پارٹی کی صدارتی امیدوار اور پارلیمانی گروپ کی سربراہ مارین لے پین نے پیرس کو روس کے ساتھ تنازعے کے خلاف خبردار کیا ہے، جو ایک جوہری طاقت ہے۔ لے پین نے پولیٹیکو کو انٹرویو میں کہا کہ میں آپ کو یاد دلانا چاہتی ہوں کہ روس ایک جوہری طاقت ہے۔ میں نہیں چاہتی کہ فرانس کسی بھی جوہری طاقت کے ساتھ جنگ میں جائے۔ انہوں نے فرانس کے نپولین دور کے سیاستدان چارلس ٹیلرینڈ کی وارننگ یاد دلائی، جنہوں نے کہا تھا کہ میں روسی ریچھ کو اس کی غار سے باہر نکالنے کے ہزار طریقے جانتا ہوں، لیکن اسے واپس اندر لانے کا ایک بھی طریقہ نہیں جانتا۔

روسی صدارتی پریس سیکرٹری دمتری پیسکوف نے 21 ستمبر کو کہا تھا کہ روس نیشنل ریلی کے رہنماؤں مارین لے پین اور جورڈن بارڈیلا کے اس بیان سے شدید اختلاف رکھتا ہے اور اسے مسترد کرتا ہے کہ ماسکو پیرس کو اپنی پالیسی تبدیل کرنے کے لیے دھمکی دے رہا ہے۔