ماسکو (صداۓ روس)
روسی وزارت ہنگامی حالات کی موبائل ایپلیکیشن کو ایک بڑے سائبر حملے کا نشانہ بنایا گیا ہے، جس کے نتیجے میں عوام کے لیے کسی فرضی خطرے سے متعلق جھوٹی معلومات پھیلائی گئیں۔ وزارت کے پریس سروس کے مطابق روسی وزارت ہنگامی حالات کی موبائل ایپ پر بڑا سائبر حملہ ہوا، جس کے باعث مجرموں نے عوام کو جعلی معلومات بھیجنے کا موقع حاصل کیا۔ اس وقت ایپ میں موجود کمزوری کو دور کرنے اور اس کے معمول کے کام کو بحال کرنے کی کوششیں جاری ہیں۔
