کراچی: (صدائے روس)
معروف پاکستانی اداکار عماد عرفانی نے کرکٹ کے میدان میں اپنے پسندیدہ کھلاڑیوں کا ذکر کرتے ہوئے موجودہ دور کے پاکستانی ’ویون رچرڈ‘ کا ٹائٹل اوپنر بلے باز فخر زمان کو دے دیا۔
ایک حالیہ انٹرویو میں جب عماد عرفانی سے کرکٹ سے متعلق ان کی معلومات اور دلچسپی کے بارے میں سوال کیا گیا تو انہوں نے جواب دیا کہ:
“میں ذاتی طور پر ٹیسٹ کرکٹ کو اصل کرکٹ مانتا ہوں کیونکہ اس فارمیٹ میں کھلاڑی کی ذہنی اور جسمانی صلاحیتوں کا حقیقی امتحان ہوتا ہے۔”
اداکار نے کہا کہ جیسے جیسے وقت بدلا ہے ویسے ہی کرکٹ کا انداز بھی بدل گیا ہے۔
“پہلے پانچ دن کا کھیل ہوتا تھا، اب وہی دلچسپی لوگ 20 اوورز میں دیکھنا چاہتے ہیں، جو کہ الگ رنگ رکھتا ہے۔ لیکن کرکٹ کی اصل روح ٹیسٹ کرکٹ میں ہی چھپی ہے۔”
عماد عرفانی نے باسط علی اور کامران اکمل کی تعریف کرتے ہوئے کہا:
“میں ان دونوں کا بہت بڑا فین ہوں۔ ان کی کرائسز میں کھیلی گئی اننگز دیکھنے سے مجھے ہمیشہ حوصلہ ملا۔ ان کے چھکے چوکے میدان میں جوش بھرتے تھے۔”
پروگرام کے میزبان نے جب ان سے پوچھا کہ آج کے دور میں وہ کس پاکستانی بلے باز کو ’ویون رچرڈ‘ سمجھتے ہیں تو عماد عرفانی نے بلا جھجک کہا:
“میرے لیے فخر زمان ہی وہ کھلاڑی ہیں، جو جارحانہ بیٹنگ، اعتماد اور انداز کے لحاظ سے ویون رچرڈ کی یاد دلاتے ہیں۔ میں ان کا بہت بڑا فین ہوں۔”
“اس دور میں ٹیم کا ہر کھلاڑی، چاہے وہ اوپنر ہو یا آٹھویں نمبر پر کھیلنے والا، میدان میں غیر معمولی کارکردگی دکھاتا تھا۔ آج کل ایسی ٹیم کم ہی دیکھنے کو ملتی ہے۔”
ان کے اس بیان کی تائید پروگرام میں شریک سابق قومی کرکٹرز باسط علی اور کامران اکمل نے بھی کی، جو خود اس سنہری دور کا حصہ رہے ہیں۔
اداکار عماد عرفانی کا یہ انٹرویو کرکٹ اور شوبز کے مداحوں کے لیے ایک بہترین امتزاج تھا، جس میں کھیل کے میدان سے جڑی یادیں اور جذبات دونوں شامل تھے۔
