ماسکو(انٹرنیشنل ڈیسک)
کینیا کی وزارت سیاحت اور وائلڈ لائف نے ہفتہ کو بتایا کہ ایمبوسیلی ماحولیاتی نظام میں 18 ہاتھیوں کے مشتبہ زہر کے معاملے میں چار افراد کو گرفتار کر لیا گیا ہے۔ کینیا وائلڈ لائف سروس کے ایک نمائندے نے پیر کو بتایا کہ چاروں مشتبہ افراد کو ضمانت پر رہا کر دیا گیا۔ ابتدائی لیبارٹری ٹیسٹوں سے پتہ چلا ہے کہ ہاتھیوں کی موت جنگلی حیات کے مسکن سے متصل کھیتوں میں سائیڈ سے آلودہ ٹماٹر کھانے سے ہوئی ہوگی۔ حکام کا کہنا ہے کہ موت کی وجہ کی تصدیق کے لیے مزید سائنسی جانچ کی ضرورت ہے۔
پہلی 15 ہاتھیوں کی اموات 24 جون سے 24 جولائی کے درمیان ایمبوسیلی نیشنل پارک، کیمانا سینکچوری اور کوکو رینچ کے علاقے میں ریکارڈ کی گئی تھیں۔ دس ہاتھیوں میں ایک جیسی علامات پائی گئیں جن میں جزوی فالج شامل تھا، جس کی وجہ سے وہ کھڑے نہیں ہو سکتے تھے۔ حکام نے بتایا کہ کیمانا کے علاقے تلاشی کے دوران ایک پڑوسی ملک سے حاصل کردہ کیمیکلز اور دیگر مادے بھی برآمد کیے گئے ہیں، جنہیں تجزیے کے لیے بھیجا گیا ہے۔ حکام نے کہا کہ تحقیقات جاری ہیں اور جنگلی حیات کو غیر قانونی طور پر مارنے، زہر دینے یا نقصان پہنچانے والے کسی بھی شخص کے خلاف مقدمہ چلایا جائے گا۔
