ماسکو(انٹرنیشنل ڈیسک)
اٹلی میں چار ماسک پوش چوروں نے ایک میوزیم سے متعدد قیمتی پینٹنگز چوری کر لیں۔ چوری ہونے والی پینٹنگز میں پیری آگسٹ رینوار کی ’فش‘، ہنری میٹس کی ’اوڈالیسک آن دی ٹیرس‘ اور پال سیزان کی ’اسٹل لائف ود چیریز‘ شامل ہیں۔ ان پینٹنگز کی مالیت تقریباً 10 ملین ڈالر بتائی جا رہی ہے۔ اطالوی پولیس نے پیر کو بتایا کہ چور 22 مارچ کی رات کو پیرما کے قریب میگناني روکا فاؤنڈیشن کے ویلا میں گھسے۔ میوزیم انتظامیہ کے مطابق چوری صرف تین منٹ سے بھی کم عرصے میں مکمل ہو گئی اور یہ انتہائی منصوبہ بند لگتی تھی۔ تفتیش کاروں کا خیال ہے کہ چوروں نے پچھلے گیٹ سے داخل ہو کر کراؤ بار کی مدد سے دروازہ توڑا اور پولیس کے پہنچنے سے پہلے ہی فرار ہو گئے۔ یہ بڑا چورا یورپ بھر میں ہونے والے اعلیٰ سطحی فنون لطیفہ کی چوریوں کی فہرست میں اضافہ کرتا ہے۔ اکتوبر میں فرانس کے لوور میوزیم میں بھی ایک بڑی چوری ہوئی تھی جس میں چار ماسک پوش مسلح چوروں نے چین سا استعمال کر کے دوسری منزل تک رسائی حاصل کی اور 100 ملین ڈالر مالیت کے زیورات چوری کر لیے۔ اسپین کی نئی ثقافتی وزیر کیتھرین پیگارڈ نے کہا ہے کہ لوور میوزیم کی بڑی Renovation کے منصوبے میں سیکیورٹی پر زیادہ توجہ دی جائے گی۔
