ہمارے فوجیوں کی جان بخشی کی جائے، برطانیہ کا مطالبہ ، ہم آپ سے حالت جنگ میں نہیں روس کا جواب
ماسکو(صداۓ روس)
برطانیہ میں روس کے سفیر آندرے کیلن نے روسیا-24 ٹیلی ویژن پر کہا کہ روس نے برطانیہ سے کہا کہ ڈی پی آر میں سزائے موت پانے والے کرائے کے فوجیوں، شان پنر اور ایڈن اسلن کے بارے میں بات چیت اس ملک کی حکومت سے ہونی چاہیے. انہوں نے کہا کہ میں کہہ سکتا ہوں کہ ہمیں اس لحاظ سے پیغامات موصول ہوئے ہیں کہ ہم برطانوی کرائے کے فوجیوں کے مقدر کے ذمہ دار ہیں۔ انہوں نے کہا کہ ہم نے تفصیل سے بتایا کہ یہ ہمارا دائرہ اختیار نہیں ہے، بلکہ ڈی پی آر کا دائرہ اختیار ہے، اور ان اس ہی لئے ہم نے برطانیہ کو DPR سے رابطہ کرنے کو کہا ہے. اس کے بعد ہماری بات چیت دوبارہ شروع نہیں ہوئی۔ روسی سفیر نے کہا کہ اس وقت برطانوی حکومت اس معاملے پر کیف کے ساتھ بات چیت کرنے کو ترجیح دیتی ہے، لیکن میں آپ کو یہ نہیں بتا سکتا کہ اس بات چیت کے ساتھ کیا ہو رہا ہے، انہوں نے کیا موقف اختیار کیا ہے اور انہوں نے کیا شرائط اور تقاضے طے کیے ہیں۔
یاد رہے 9 جون کو ڈی پی آر کی ایک عدالت نے یوکرین میں لڑنے والے برطانوی کرائے کے فوجیوں پنر اور اسلن کو یوکرین کے مسلح گروپوں کے ساتھ کرائے کے فوجیوں کے ساتھ لڑائی میں حصہ لینے کے الزام میں موت کی سزا سنائی۔ انہیں دونباس میں قید کر لیا گیا تھا۔