ماسکو (صداۓ روس)
روس اور بھارت نے مائع قدرتی گیس (ایل این جی) کی سپلائی میں اضافے کے لیے تیاری کا اظہار کیا ہے اور بھارت کو مائع پٹرولیم گیس (ایل پی جی) کی ترسیل کے امکان پر بھی بات چیت کی جا رہی ہے۔ تیل و گیس کے شعبے کے ایک ذریعے نے ٹاس نیوز ایجنسی کو بتایا کہ “دونوں فریقوں نے ایل این جی کی سپلائی بڑھانے کی تیاری ظاہر کی ہے اور بھارت میں گھریلو استعمال کے لیے وسیع پیمانے پر استعمال ہونے والی ایل پی جی کی ترسیل پر بھی بات کی گئی ہے۔” ذریعے نے مزید کہا کہ “کاروباری حلقوں کی شمولیت کے ساتھ بات چیت کو جاری رکھنے کی توقع ہے۔”
