ماسکو میں دوسری عالمی عوامی اسمبلی، دنیا بھر سے نمائندوں کی شرکت متوقع

ماسکو: اشتیاق ہمدانی

روس کے دارالحکومت ماسکو میں 18 اور 19 ستمبر 2026 کو دوسری عالمی عوامی اسمبلی، Second World Public Assembly، منعقد ہوگی، جس میں دنیا کے مختلف ممالک سے عوامی سفارت کاری، سیاست، تعلیم، سائنس، ثقافت، میڈیا، کاروبار اور سماجی شعبوں سے وابستہ شخصیات کی شرکت متوقع ہے۔

اس بڑے بین الاقوامی فورم کا مرکزی موضوع “نئی دنیا: وہ اقدار جو ہمیں متحد کرتی ہیں” رکھا گیا ہے۔ تقریب کا اہتمام Assembly of the Peoples of the World کر رہی ہے۔

اسمبلی کی مرکزی سرگرمیاں ماسکو کے World Trade Center میں منعقد ہوں گی۔ منتظمین کے مطابق فورم کا مقصد مختلف ممالک، تہذیبوں اور ثقافتوں سے تعلق رکھنے والے نمائندوں کو ایک ایسے مشترکہ پلیٹ فارم پر جمع کرنا ہے جہاں عالمی مسائل، بین الاقوامی تعاون، امن، اعتماد اور مشترکہ انسانی اقدار پر گفتگو کی جاسکے۔

دوسری عالمی عوامی اسمبلی کا ایک اہم حصہ مرکزی Plenary Session ہوگا، جس میں مختلف ممالک کے نمائندے اس سوال پر تبادلہ خیال کریں گے کہ ثقافتی، تاریخی اور تہذیبی تنوع کو برقرار رکھتے ہوئے کون سی مشترکہ اقدار مستقبل کے عالمی نظام میں اعتماد، تعاون اور مشترکہ ذمہ داری کی بنیاد بن سکتی ہیں۔

اسمبلی کے سیکریٹری جنرل آندرے بیلیانینوف کے مطابق یہ فورم بین الاقوامی عوامی اقدامات اور Public Diplomacy کے فروغ کی جانب ایک اہم قدم ہے، جس کی بنیاد تصادم کے بجائے مکالمے، تعمیری تعاون اور روایتی اقدار کے احترام پر رکھی گئی ہے۔

ان کے مطابق موجودہ عالمی حالات میں ایسے بین الاقوامی پلیٹ فارمز کی اہمیت مزید بڑھ گئی ہے، جہاں مختلف ممالک، ثقافتوں اور نظریات سے تعلق رکھنے والے افراد براہ راست ایک دوسرے سے بات کر سکیں اور تعاون کے نئے امکانات تلاش کر سکیں۔

فورم میں اعتماد کو نئے بین الاقوامی تعلقات کی بنیاد بنانے، عوامی سفارت کاری، تعلیم، سائنس، ثقافت، انسانی وسائل کی ترقی، بین الاقوامی سیاحت، سول سوسائٹی کے درمیان تعاون، نوجوانوں کے کردار اور جدید ٹیکنالوجی کے سماجی اثرات سمیت مختلف اہم موضوعات زیر بحث آئیں گے۔

مصنوعی ذہانت اور انسانی معاشرے کے مستقبل پر بھی خصوصی توجہ دی جائے گی۔ 19 ستمبر کو “Human 2035” کے عنوان سے ہونے والی نشست میں Artificial Intelligence کے تیزی سے بڑھتے ہوئے کردار، اس کے مواقع اور مستقبل میں پیدا ہونے والے سماجی چیلنجز پر تبادلہ خیال کیا جائے گا۔

اسی روز خاندان، روحانی اقدار، ثقافتی ورثے، زبانوں کے تحفظ، پائیدار ترقی اور بین الاقوامی اعتماد سے متعلق متعدد نشستیں بھی منعقد ہوں گی۔ اسمبلی میں مختلف ممالک سے معروف ماہرین، سیاسی و سماجی شخصیات، ماہرین تعلیم، صحافی اور Public Diplomacy سے وابستہ نمائندے شرکت کریں گے۔

شرکاء میں کینیڈا کے صحافی اور سیاسی تجزیہ کار Matthew Ehret، امریکی پروفیسر Peter Kuznick، کیوبا کے ماہر تعلیم Fidel Antonio Castro Smirnov، فرانس کی سابق صدارتی مشیر Helene Perrault، جنوبی افریقہ کی سابق وزیر Lindiwe Sisulu، مصر سے Mohamed El Orabi، یمن کے سابق صدر Ali Nasser Mohammed اور بھارت سے Sameep Shastri سمیت متعدد بین الاقوامی شخصیات شامل ہیں۔

مرکزی اسمبلی سے ایک روز قبل 17 ستمبر کو بھی کئی خصوصی بین الاقوامی تقریبات منعقد ہوں گی۔ ان میں Vladimir Menshov International Film Festival، “We Won Together”، پانچویں بین الاقوامی مقابلے “Leader of Public Diplomacy” کا فائنل، “Space: A Territory of Peace, Trust and Cooperation” کے عنوان سے بین الاقوامی فورم اور روسی خبر رساں ادارے TASS میں “Media in the Service of Humanity” کے عنوان سے میڈیا فورم شامل ہیں۔

18 ستمبر کو مختلف نشستوں میں New Media اور Public Diplomacy، یوریشیا میں سائنسی و تعلیمی تعاون، بین الاقوامی سیاحت، قومی ثقافتوں، نوجوان نسل اور نئی سفارت کاری پر گفتگو ہوگی۔ اسی روز دوسری عالمی عوامی اسمبلی کی باضابطہ افتتاحی تقریب اور مرکزی اجلاس منعقد ہوگا۔

19 ستمبر کے پروگرام میں “اعتماد، نئے بین الاقوامی تعاون کی بنیاد”، “خاندان، انسانیت کے تحفظ کی بنیاد”، “Shanghai Spirit”، عوامی سفارت کاری کے رہنما، زبانوں کے عالمی ورثے، خواتین کے کردار، روحانی اقدار، کاروباری تعاون اور جدید عالمی معاشرے میں انسان کے مستقبل جیسے موضوعات شامل ہوں گے۔

منتظمین کے مطابق اسمبلی صرف مذاکرات اور تقاریر تک محدود نہیں ہوگی بلکہ مختلف ممالک اور تنظیموں کے درمیان ملاقاتیں، معاہدوں پر دستخط، میڈیا انٹرویوز، ثقافتی سرگرمیاں، نوجوانوں اور کاروباری حلقوں کے پروگرام بھی منعقد کیے جائیں گے۔

“وہ اقدار جو ہمیں متحد کرتی ہیں” کے عنوان سے ایک خصوصی نمائش بھی اسمبلی کے پروگرام کا حصہ ہوگی۔
دوسری عالمی عوامی اسمبلی کا اختتام 19 ستمبر کو نتائج کے اعلان اور “For Service to Humanity” کے عنوان سے عالمی عوامی اعزاز کی تقریب کے ساتھ ہوگا۔

اس موقع پر ان شخصیات اور اداروں کی خدمات کو سراہا جائے گا جو بین الاقوامی تعاون، امن، Public Diplomacy اور مشترکہ انسانی اقدار کے فروغ میں نمایاں کردار ادا کر رہے ہیں۔

ماسکو میں منعقد ہونے والی دوسری عالمی عوامی اسمبلی کو موجودہ عالمی حالات میں Public Diplomacy کے ایک اہم بین الاقوامی پلیٹ فارم کے طور پر دیکھا جا رہا ہے، جہاں مختلف خطوں اور تہذیبوں کے نمائندے عالمی تقسیم اور کشیدگی کے مقابلے میں مکالمے، اعتماد اور مشترکہ انسانی اقدار کے ذریعے مستقبل کے تعاون کے امکانات پر گفتگو کریں گے۔