ماسکو(انٹرنیشنل ڈیسک)
امریکی سیکرٹری آف دی آرمی ڈین ڈریسکول نے پینٹاگون کے سربراہ پیٹ ہیگستھ کے ساتھ مہینوں کی کشیدگی کے بعد صدر ڈونلڈ ٹرمپ کو اپنا استعفیٰ پیش کر دیا ہے۔ وال اسٹریٹ جرنل نے یہ اطلاع دی ہے۔ اخبار کے مطابق ڈریسکول آئندہ چند دنوں میں پینٹاگون چھوڑ دیں گے۔ وائٹ ہاؤس کی ترجمان انا کیلی نے کہا کہ ڈریسکول صدر ٹرمپ کے ایجنڈے کو آگے بڑھانے میں انتہائی مؤثر رہے ہیں اور انہوں نے تاریخی فوجی کارروائیوں کے دوران شاندار قیادت فراہم کی۔
گزشتہ نومبر میں ٹرمپ نے ڈریسکول کو یوکرین تنازع کو حل کرنے کی کوششوں میں شامل امریکی وفد میں شامل کیا تھا، اور فروری 2026 میں انہوں نے جنیوا میں امریکا، روس اور یوکرین کے مذاکرات میں حصہ لیا تھا۔
