امید ہے پوتن کرغزستان میں روسی ایئربیس پر ہونے والی تقریبات میں آئیں گے، بشکیک
بشکیک صداۓ روس
کرغیز حکام توقع کرتے ہیں کہ روسی صدر ولادیمیر پوتن ١٢ اکتوبر کو کانت چوئی ریجن میں روسی ایئربیس کے افتتاح کی ٢٠ ویں سالگرہ کے موقع پر ہونے والی تقریب میں شرکت کریں گے۔ روسی صدر کے آئندہ ہونے والے دورے کے فریم ورک کے اندر کرغزستان کے سربراہ مملکت صدیر زاپاروف اور صدر ولادیمیر پوتن کے درمیان دو طرفہ مذاکرات طے ہیں۔ رہنما دوطرفہ اور کثیر الجہتی ایجنڈے پر اہم مسائل کے ساتھ ساتھ باہمی فائدہ مند تعاون کی مزید ترقی کے امکانات پر تبادلہ خیال کریں گے۔
کرغیز صدارتی انتظامیہ کے شعبہ خارجہ پالیسی کے سربراہ، مراتبیک ازیمباکیف نے بتایا کہ مزید برآں دونوں ممالک کے صدور کانت شہر میں اجتماعی سلامتی معاہدہ تنظیم کی ایئر بیس کے افتتاح کی ٢٠ ویں سالگرہ کے موقع پر ایک پروقار تقریب میں شرکت کریں گے. واضح رہے روسی فریق نے باضابطہ طور پر دورہ صدر پوتن کی تاریخ کا اعلان نہیں کیا۔ سی آئی ایس کا سربراہی اجلاس 13 اکتوبر کو بشکیک میں ہوگا۔