تاجکستان طالبان کی کوششوں سے مطمئن نہیں ہے ، روسی ایلچی
ماسکو صداۓ روس
افغانستان کے لیے روس کے خصوصی ایلچی ضمیر کابلوف نے بریفنگ کے دوران کہا کہ افغانستان کے بارے میں ماسکو فارمیٹ کی مشاورت کے شرکاء منشیات سے متعلق جرائم اور دہشت گردی سے نمٹنے کے لیے موجودہ افغان قیادت کی کوششوں کو تسلیم کرتے ہیں، لیکن تاجکستان اس علاقے میں طالبان حکومت کی کامیابی نہیں دیکھتا. روسی عہدیدار نے مزید کہا کہ زیادہ تر شرکاء نے افغانستان میں داعش کا مقابلہ کرنے کے لیے طالبان کی کوششوں کا خیرمقدم کیا اور کہا کہ ہم نے افغان حکام کو اس مشن کو جاری رکھنے کی ترغیب دی، کیونکہ یہ تمام پڑوسیوں کے سلامتی کے مفادات کو پورا کرتا ہے۔
ضمیر کابلوف نے کہا کہ ہم نے افغان حکام کی افغان منشیات کی صنعت کے خلاف جدوجہد میں ان کی تعریف کی۔ ہمارے تاجک پارٹنرز افغانستان پر بہت تنقید کرتے ہیں – یہ تاجک قیادت کا طریقہ ہے اور وہ سمجھتے ہیں کہ طالبان حکام کی تعریف کرنے کے لیے ابھی کچھ نہیں ہے.