دونباس کا ایک اور اہم دیہات روسی کنٹرول میں آگیا
ماسکو (صداۓ روس)
روسی وزارت دفاع نے کہا ہے کہ روسی فوجیوں نے دونباس میں کامیابی حاصل کرنا جاری رکھی ہوئی ہے، اور ڈونیٹسک کے شمال میں واقع تزویراتی لحاظ سے اہم گاؤں اوچیریٹینو پر کنٹرول حاصل کرلیا ہے۔ اتوار کو ایک بیان میں روسی وزارت دفاع نے کہا کہ روسی مرکز فورسز کے گروپ نے جنگی کارروائیوں کے نتیجے میں بستی کو مکمل طور پر آزاد کر لیا ہے۔ اوچیریٹینو قصبے سے تقریباً 25 کلومیٹر شمال مغرب میں واقع ہے، جسے روس کے فوجیوں نے فروری میں حاصل کرلیا تھا۔
ابتدائی رپورٹوں میں بتایا گیا تھا کہ روسی افواج نے مقامی ریل لائن کے ساتھ آگے بڑھتے ہوئے جنوبی حصے اوچیریٹینو پر قبضہ کرلیا۔ اس گاؤں کے بنیادی ڈھانچے اور جغرافیائی پوزیشن کی وجہ سے، اس نے علاقے میں یوکرین کے دفاع میں اہم کردار ادا کیا، کیونکہ اس دیہات نے کیف کے فوجیوں کو رسد فراہم کرنے میں مدد کی۔ مغربی میڈیا کا ماننا ہے کہ اوچیریٹینو پر قبضہ کرنے کے بعد روس محاذ کے پڑوسی سیکٹروں میں یوکرینی فوجیوں کو گھیرنے کی کوشش کرسکتا ہے۔