ماسکو (صداۓ روس)
روس کی سرکاری جوہری کمپنی روزاٹوم کے سی ای او ایلیکسے لکھاچوف نے بتایا ہے کہ بوشہر جوہری پاور پلانٹ سے 163 روسی ماہرین کو نکال لیا گیا ہے اور وہ آج رات ایرانی-آرمینیائی سرحد عبور کر جائیں گے۔ انہوں نے ٹاس نیوز ایجنسی کو بتایا کہ “پلانٹ کی صورتحال اور ہمارے عملے کی تازہ ترین نکاسی کے حوالے سے سب کچھ منصوبے کے مطابق اور آسانی سے جاری ہے۔ وہ کل صبح روانہ ہوئے تھے اور رات اصفہان میں گزاری۔ ہماری توقع ہے کہ یہ تمام 163 افراد آج رات ایرانی-آرمینیائی سرحد عبور کر جائیں گے۔ لکھاچوف نے مزید بتایا کہ اپریل کے آغاز میں دو اور نکاسی کی لہریں منصوبہ بند ہیں۔ تاہم ان لہروں میں تمام کارکن شامل نہیں ہوں گے۔ کچھ عملہ سائٹ کی دیکھ بھال اور آپریشنز کی دوبارہ شروعات کی نگرانی کے لیے وہاں رہے گا۔
