ماسکو(انٹرنیشنل ڈیسک)
مشرق وسطیٰ تنازع سے پیدا ہونے والے توانائی بحران نے بھارت کی ایتھانول مہم کو رفتار دی ہے۔ ملک نے پیٹرول کے استعمال میں کمی اور گاڑیوں میں بائیو فیول کے استعمال میں اضافے کا روڈ میپ تیار کیا ہے۔ اس ماہ کے ابتداء میں بھارت نے 100 فیصد ایتھانول (E100) کو ٹرانسپورٹ فیول کے طور پر استعمال کے لیے ریگولیٹری فریم ورک کی منظوری دی۔ اپریل میں ای 20 فیول مینڈیٹ کا اعلان کیا گیا جس کے تحت گیس سٹیشنز پر صرف E20 فیول فروخت کیا جائے گا۔ ایتھانول بنیادی طور پر زرعی مواد جیسے گنے اور اناج سے تیار کیا جاتا ہے۔ حکومت نے خصوصی طور پر ڈیزائن کیے گئے انجنوں کے لیے E100 فیول کی فروخت کو بھی لازمی قرار دیا ہے۔
