ماسکو (انٹرنیشنل ڈیسک)
پنجاب کے ضلع چکوال کے علاقے بلکسر میں ریچھوں کی ایک اہم پناہ گاہ قائم ہے۔ یہ مرکز ان ریچھوں کے لیے محفوظ ماحول فراہم کرتا ہے جنہیں غیر قانونی طور پر پکڑا گیا یا سیرکس اور سڑکوں پر رقص کرانے کے لیے استعمال کیا جاتا تھا۔پناہ گاہ میں ریچھوں کی طبی دیکھ بھال، خوراک اور قدرتی ماحول جیسی سہولیات موجود ہیں۔ ماہرین کے مطابق یہاں آنے والے زیادہ تر ریچھ زخمی یا کمزور حالت میں لائے جاتے ہیں جنہیں بحال کر کے محفوظ زندگی دی جاتی ہے۔ سرکاری حکام اور جنگلی حیات کے تحفظ کے اداروں نے اس مرکز کو اہم قرار دیا ہے۔ مقامی لوگ بھی یہاں ریچھوں کو قریب سے دیکھنے اور ان کے بارے میں معلومات حاصل کرنے آتے ہیں۔ماہرین نے کہا کہ ایسے مراکز جنگلی حیات کے تحفظ اور عوام میں آگاہی پھیلانے میں اہم کردار ادا کرتے ہیں۔ انہوں نے غیر قانونی شکار اور ریچھوں کے غلط استعمال کے خلاف سخت کارروائی کی ضرورت پر زور دیا۔ بلکسر کی یہ پناہ گاہ پنجاب میں جنگلی حیات کے تحفظ کی کوششوں کی ایک مثبت مثال کے طور پر دیکھی جا رہی ہے۔