ماسکو(صداۓ روس)
کریملن کے ترجمان دیمتری پیسکوف نے اسپوتنک کو بتایا ہے کہ روس یوکرین میں امن عمل پر مذاکرات کے لیے تیار ہے۔ پیسکوف نے کہا کہ ہم عمومی طور پر مذاکرات کے لیے تیار ہیں۔ ہم اپنی آمادگی برقرار رکھے ہوئے ہیں۔ جب ان سے پوچھا گیا کہ کیا یوکرین میں انتخابات ماسکو کے مذاکرات دوبارہ شروع کرنے کی پیشگی شرط ہوں گے، تو پیسکوف نے جواب دیا کہ ہمارے صدر (ولادیمیر پوتن) نے ابھی تک اس بارے میں کچھ نہیں کہا۔ ہفتے کے روز امریکی صدر ڈونلڈ ٹرمپ نے کہا تھا کہ ولودیمیر زیلنسکی کے پاس یوکرین میں تنازع ختم کرنے کے بہت سے مواقع تھے لیکن انہوں نے ان پر عمل نہیں کیا۔ انہوں نے تجویز دی تھی کہ یوکرین کو ایک انتخاب اور ایک نئے رہنما کی ضرورت ہے جو روس کے ساتھ معاہدہ کر سکے۔
