روس میں پرفیوم کی پیداوار بڑھ گئی

روس میں پرفیوم کی پیداوار بڑھ گئی

ماسکو (صداۓ روس)
سنٹر فار دی ڈیولپمنٹ آف ایڈوانسڈ ٹیکنالوجیز (CRPT) کے جاری کردہ اعداد و شمار کے مطابق روس میں پرفیوم کی پیداوار میں دوسری سہ ماہی میں گزشتہ سال کی اسی مدت کے مقابلے میں تقریباً 50 فیصد اضافہ ہوا اور اس کی مقدار 20.4 ملین پیکجز تک پہنچ گئی ہے. تخمینہ کاروں نے بتایا کہ روس میں رواں برس 2023 کی دوسری سہ ماہی میں پرفیوم کی پیداوار 20.4 ملین پیکجوں کی تھی. جبکہ پہلی سہ ماہی میں یہ تعداد 18.9 ملین پیکجوں کی سطح پر تھی، یعنی اس میں تقریبا 7.9 فیصد اضافہ دیکھا گیا ہے۔ جاری معلومات کے مطابق روس میں گزشتہ سال اسی عرصے میں پرفیوم کے 13.8 ملین پیکجز تیار کیے گئے تھے، یعنی گزشتہ سال کے مقابلے میں 47 فیصد اضافہ ہوا ہے۔

واضح رہے کہ اس مارکیٹ کا زیادہ تر حصہ ایو ڈی ٹوائلٹ کا ہے – اپریل سے جون تک اس کی پیداوار 10.595 ہزار بوتلیں تھی، اور یہ کل پیداوار کا 51.8 فیصد ہے۔ علاقائی تناظر میں CRPT کے اعداد و شمار کے مطابق سب سے زیادہ پرفیوم سینٹرل فیڈرل ڈسٹرکٹ میں تیار کیے گئے – اس کے بعد پرفیوم 14.687 ہزار بوتلیں (ملک میں کل پیداوار کا %71.9)۔ وولگا فیڈرل ڈسٹرکٹ نے تیار کیا اور ملک میں پیداوار کے حوالے سے دوسرا مقام حاصل کیا، جہاں دوسری سہ ماہی میں انہوں نے پرفیوم کے 3,291 ہزار پیکجز (%16.1) تیار کیے۔ اس کے بعد شمالی قفقاز فیڈرل ڈسٹرکٹ، سائبیرین فیڈرل ڈسٹرکٹ اور سدرن فیڈرل ڈسٹرکٹ ہیں۔