ماسکو (انٹرنیشنل ڈیسک)
یوگوو کے حالیہ سروے کے مطابق جرمنی کی اکثریت کو اپنی مسلح افواج کی ملک کے تحفظ کی صلاحیت پر اعتماد نہیں ہے۔ جمعہ کو شائع ہونے والے انٹرنیشنل فلیگ شپ سروے کے مطابق جرمنی میں 70 فیصد جواب دہندگان نے کہا کہ انہیں اعتماد نہیں کہ ان کی مسلح افواج کسی حملے کو پسپا کرنے کے لیے کافی مضبوط ہیں۔
اگرچہ 40 فیصد جواب دہندگان کا کہنا ہے کہ جرمنی دفاع پر بہت کم خرچ کرتا ہے، 77 فیصد نے دفاعی اخراجات کے لیے ٹیکس میں اضافے کی مخالفت کی، جبکہ 62 فیصد نے عوامی خدمات میں کٹوتیوں کو مسترد کیا اور 59 فیصد نے حکومتی قرضوں میں اضافے کی مخالفت کی۔
جرمنی میں فوج پر اعتماد کی شرح پولینڈ (57 فیصد)، برطانیہ اور آسٹریلیا (53 فیصد) اور کینیڈا (48 فیصد) کے مقابلے میں سب سے کم ریکارڈ کی گئی۔ اس کے برعکس فرانس میں 52 فیصد اور امریکا میں 77 فیصد افراد نے اپنی فوج پر اعتماد کا اظہار کیا۔
یہ سروے اس وقت سامنے آیا ہے جب امریکی صدر ڈونلڈ ٹرمپ نے نیٹو ممالک کی جانب سے ایران کے خلاف امریکی-اسرائیلی فوجی کارروائی میں شمولیت سے انکار کے بعد نیٹو سے دستبرداری کی دھمکیوں کا اعلان کیا ہے۔ جرمنی نے روس-یوکرین تنازع کے پیش نظر دفاعی اخراجات بڑھانے، ایکٹو ڈیوٹی فوج کو 183,000 سے بڑھا کر 260,000 کرنے اور ریزرو فورس کو 200,000 تک بڑھانے کا منصوبہ اپنایا ہے۔
