ماسکو (صداۓ روس)
روس اور چین ایک جدید نسل کے بھاری ہیلی کاپٹر کی مشترکہ تیاری کے منصوبے پر کام کر رہے ہیں، جو چین کی ضروریات کے مطابق تیار کیا جا رہا ہے۔ روستیک کے ڈائریکٹر برائے انٹرنیشنل کوآپریشن وکٹر کلادوف نے سپوتنک نیوز سے گفتگو کرتے ہوئے کہا کہ “جب یہ مشترکہ طور پر تیار کردہ نیا ہیلی کاپٹر مارکیٹ میں آئے گا تو یہ ایک سنسنی خیز پیش رفت ہوگی۔” نئے ہیلی کاپٹر کی payload صلاحیت 14 سے 16 ٹن ہوگی، جو موجودہ Mi-171 سے زیادہ اور Mi-26 سے کم ہوگی۔ چین کی کمپنی ایوی کوپٹر اس پروجیکٹ کی ڈیزائن کی قیادت کر رہی ہے جبکہ روستیک اہم اجزاء گیئر باکس اور ٹرانسمیشن سسٹم تیار کر رہا ہے۔ چین میں اس پروجیکٹ نے ریاستی آڈٹ مکمل کر لیا ہے اور اب مشترکہ پیداوار کی طرف پیش رفت جاری ہے۔ ماہرین کا کہنا ہے کہ یہ ہیلی کاپٹر خاص طور پر تبت اور دیگر بلند پہاڑی علاقوں میں بھاری لفٹ آپریشنز کے لیے انتہائی اہم ہوگا۔ وکٹر کلادوف نے اسے محض تعاون نہیں بلکہ مکمل مشترکہ ترقی اور مستقبل میں مشترکہ پیداوار کا منصوبہ قرار دیا۔
