ماسکو(انٹرنیشنل ڈیسک)
یورپی یونین کی خارجہ پالیسی کی سربراہ کاجا کالاس نے واضح کیا ہے کہ EU یوکرین اور روس کے درمیان کبھی بھی نیوٹرل میڈیٹر نہیں بن سکتا کیونکہ بلاک واضح طور پر یوکرین کی طرف ہے۔ قبرص کے دارالحکومت لیماسول میں EU وزرائے خارجہ کے غیر رسمی اجلاس کے اختتام پر کالاس نے صحافیوں سے گفتگو کرتے ہوئے کہا کہ “ایک بات بالکل واضح ہے: یورپ روس اور یوکرین کے درمیان کبھی نیوٹرل میڈیٹر نہیں بن سکتا کیونکہ ہم یوکرین کی طرف ہیں اور ہم اپنی سلامتی کے مفادات کا دفاع کر رہے ہیں۔”
انہوں نے مزید کہا کہ EU امریکہ کی جگہ امن عمل میں نہیں آئے گا بلکہ اس کی کوششیں امریکہ کی کوششوں کی تکمیل کریں گی۔
کالاس نے یوکرین کی حمایت جاری رکھنے پر زور دیا اور کہا کہ یوکرین کو روس سے رعایتیں حاصل کرنے کے لیے EU کی حمایت درکار ہے تاکہ وہ مضبوط پوزیشن سے مذاکرات کر سکے۔ دوسری جانب امریکی وزیر خارجہ مارکو روبیو نے کہا ہے کہ امن عمل جلد دوبارہ شروع ہو سکتا ہے۔
